TEKOVE-TEKOTEVÊ’Y (Luis Galarza)

Aní peimo’ä che chemboriahu
che tapyimiguýpe hokyû mborayhu
jepémo oimêne oî tekotevê
Vy’a ha torýpe roiko oñondive.

Kapi’i pytâgui che róga ijapé
piro’y asy ikuarahy’â
ha katu ro’ype ñaimo’â ha’e
hakuvy’asýva kuarahy rata.

Okára potî ombojeguaka
yvoty iporâva ipoty jera
enrramada guype kane’ô ojuka
kyhàpe taita oñembokacha.

Kocináme oime pleple opupu
sakarô, ipokue ha kumanda pytâ
terere rupa che sy ogueru
pombero nambi ha mbeju kyra.

Pyhare omûahêvo mbyja ojajaipa
jasy morotî omuesâkambâ
pe ára hovy na’imbojojahái
¡¡ ajépa iporâ ñande Paraguái.!!