Tembi’u Paraguái (Luis Galarza)

Tembi’u Paraguái (Luis Galarza)

Ajépa yma ojeiko porâite
chesyre amaña ha apukavy
noventa omboty ha ojeroky
ha katu cheheguy esâpysove.

Pyharevete ko’êju jave
ojetyvyróma vakaita oñami
oikumby ka’aguy ha ombiriki
ojetypeka tembi’urami.

Hyakûavurei cocido cuartel
pombero nambi ovu ochyryry
yjykére omoî mandi’o chyryry
ha katu opupúma avei jukysy.

Ityrarâmi mbeju aramirô
hûitî ku’i ha avati maimbe
chipa kavure, avei chicharô
tereré rupa asajemive.

Upemirirénte jahecha opupu
tata’y jováipe oñembojeré
ipokue mokôi hykupa hu’û
kumanda, sakarö hypy’ü hykue.

Omogotove vokói japepo
ryguazu ka’ë ojehague’o
oñembojehe’áma ku chipa guasu
sopa paraguái kesúpe ojahu.

Hi’ári müarä he’ëmby asyva
kaguyjy, kiveve ha eíra kesu
ha oimerö eñandu ko ndepy’akáva
aloha ha mosto emokamambu.