POEMA (Guaraní)

AGUYJEMANTE TUPÂ

                I

Aguyjémante Tupâ

rejapóre ava ñe’ê                                                       

ipypémante ha’e                                                      

oñandúva che ñe’â    

1.               II

Mborayhu  jojaha’ÿ                                                 

oipykuáva che ângapy                                              

onguakúva cheruguy                                                

hi’âintégui ahupyty.                                                   

              III

Ndaikatúi ambue ñe’ême                                        

aitypeka pe ikorasô                                                  

ha’éhaguâ ñemihápe                                                

“rohayhúgui péicha aiko.”                                         

                IV

Nderupímante omûahê                                            

he’êmbochyva purahéi                                             

ombovy’a pehekove                                                   

tetâygua okaraguami.                                            

              V

Ñandesy avei ome’ê                                             

iñe’ê marangatúpe                                             

iporâva ñembo’e                                               

Kiritópe ñanderehe.

           

              VI

Aguyjémante Tupâ                                            

rehayhure Paraguái                                             

hetaite mba’é porâ                                           

ypypéko remûasâi.                                             

               VII

Ka’aguy rovyû pa’ûgui                                   

he’êmbochyva eirete                                       

orekûre remondykygui                                  

ndahuvicháiva ore ñe’ê.                                

             VIII

Ha oiméne katuete                                             

reñe’ê avei guaraní                                      

ajevérô peichaite                                                

rehayhu ore retâmi.                                         

AUTOR: LUIS GALARZA